Mwanamume aliyekamatwa huko Montenegro amethibitishwa kuwa Kwon Do-hyeong, anayejulikana pia kama Do Kwon, mwanzilishi wa kampuni ya crypto iliyoanguka inayosakwa nchini Korea Kusini na Marekani kwa makosa ya ulaghai na mashtaka mengine, kulingana na Interpol.
Kwon, raia wa Korea Kusini, alianzisha mfumo wa blockchain nyuma ya TerraUSD stablecoin na sarafu dada yake Luna, ambayo ilipoteza thamani yake Mei 2022, na kufuta takriban dola bilioni 40 kutoka soko la crypto. Utambulisho wa Kwon ulithibitishwa kupitia alama ya vidole.
Alikamatwa katika uwanja wa ndege akiwa na nyaraka ghushi na anatafutwa na nchi kadhaa, zikiwemo Marekani, Korea Kusini na Singapore. Terraform Labs, kampuni iliyoanzishwa na Kwon, ilikuwa nyuma ya TerraUSD, stablecoin iliyokusudiwa kuhifadhi bei ya $1.