Kulingana na kundi la kutetea haki za binadamu, takriban wahamiaji 19 kutoka Afrika Kusini mwa Jangwa la Sahara wamefariki katika boti ya hivi punde zaidi kuzama katika pwani ya Tunisia, walipokuwa wakijaribu kuvuka bahari ya Mediterania kuelekea Italia. Katika siku nne zilizopita, boti tano za wahamiaji zimezama karibu na mji wa kusini wa Sfax, na watu 67 hawajulikani walipo na tisa wamekufa. Walinzi wa pwani ya Tunisia waliwaokoa watu watano kutoka kwa mashua kwenye pwani ya Mahdia, kwa safari iliyoanza kutoka fukwe za Sfax. Mamlaka ya Tunisia bado haijazungumzia hali hiyo.
Takwimu za Umoja wa Mataifa zinaonyesha kuwa takriban wahamiaji 12,000 waliofika Italia mwaka huu walisafiri kwa meli kutoka Tunisia, ikilinganishwa na 1,300 katika kipindi kama hicho cha 2022. Walinzi wa pwani ya Tunisia wamewazuia zaidi ya wahamiaji 14,000 kusafiri kwa boti katika miezi mitatu ya kwanza ya mwaka huu, ikilinganishwa na 2,900 katika kipindi kama hicho mwaka jana, kulingana na takwimu za FTDES.