Serikali ya Honduras imetangaza kukata uhusiano wa kidiplomasia na Taiwan na kuanzisha uhusiano rasmi na China. Katika taarifa iliyotolewa na Wizara ya Mambo ya Nje ya Honduras siku ya Jumamosi, ilitangazwa kuwa “serikali ya Jamhuri ya Honduras inatambua kuwepo kwa China moja duniani na kwamba serikali ya Jamhuri ya Watu wa China inawakilisha China kwa ujumla. ” Taarifa hiyo iliendelea kutangaza kwamba “Taiwan ni sehemu isiyoweza kutengwa ya eneo la China. ”
Honduras ilikuwa mojawapo ya nchi 14 tu zilizoitambua Taiwan dhidi ya China, na hatua hiyo inaashiria ushindi mkubwa kwa kampeni ya Beijing ya kuitenga Taiwan. Kufuatia tangazo la Honduras, Taiwan ilithibitisha kuwa uhusiano wa kidiplomasia ulikuwa umekatwa rasmi. Waziri wa Mambo ya Nje wa Taiwan Joseph Wu alisema kuwa "ili kulinda mamlaka na heshima ya taifa, tumeamua kusitisha mara moja uhusiano wa kidiplomasia na Honduras na kusimamisha mipango yote ya ushirikiano baina ya nchi hizo mbili. ”