Germaniyaning Gamburg shahridagi omborxonada kuchli yong‘in sodir bo‘lib, hukumat aholini havodagi kuchli tutun va potentsial zaharli moddalar haqida ogohlantirishga undadi. Ijtimoiy tarmoqlardagi videolarda yakshanba kuni erta tongda ombor alangaga tushib, tutun osmonga ko‘tarilganini ko‘rish mumkin. Gamburg o‘t o‘chirish bo‘limi yong‘in natijasida paydo bo‘lgan tutun va kimyoviy moddalar nafas olishga ta’sir qilishi va tutun buluti shahar markaziga qarab harakatlanayotgani haqida ogohlantirdi.
NDR yangiliklariga ko'ra, 140 ga yaqin odam evakuatsiya qilingan, mahalliy aholiga esa deraza va eshiklarini berkitib turish tavsiya qilingan. Hodisa tufayli Gamburg va yaqin atrofdagi Byyuxen shahri o‘rtasidagi poyezdlar qatnovi bekor qilindi, 90 daqiqagacha kechikishlar Gamburg va Berlin o‘rtasidagi poyezdlarga ham ta’sir qildi. Yong‘in sabablari hozircha noma’lum.